Natt til første søndag i adventstida plar dei fleste kyrkjelydane å invitere 11-åringane til ei spanande oppleving. Då får dei sjansen til å overnatte i kyrkja frå laurdag til søndag. I år er det datoane 29. november til 30. november som gjeld.
Arrangementet Lys vaken er ein del av trusopplæringa i Den norske kyrkja. Målet er at 11-åringane skal få oppleve ei kyrkje som gir rom for alle - heile døgeret, heile livet. Foreldre og føresette skal få oppleve ei kyrkje som deler tradisjonar og verdiar - heile døgeret, heile livet.
Viss du er 11 år og lurer meir på kva Lys vaken er, kan du be foreldra dine om å ta kontakt med din lokale kyrkjelyd. Dei som arrangerer Lys vaken sender invitasjon i posten.
Viss du ikkje veit kva slags kyrkjelyd du tilhøyrer, så skriv inn adressa di i Finn din kyrkjelyd-søkeboksen under artikkelen.
Men nokre kyrkjelydar vel å arrangere Lys vaken tidlegare på året, så det kan hende at di kyrkjelyd allereie har hatt Lys vaken-helg.
Salmer og Lys vaken
I år gjennomfører NRK ei direktesending med "Salmeboka minutt for minutt" frå fredag 28. november til søndag 30. november. Dette er den same helga som Lys vaken blir arrangert. Då er det mange Lys vaken-deltakarar som får salmeboka i gåve. Denne utgåva av salmeboka feirer eitt år. Mange salmane er ein del av kulturarven som har blitt sunge i århundrar, medan andre er nye og har språk og musikk som mange i dag kjenner seg igjen i.